རང་ལ་སྐུལ་བ།

ལེགས་པ་རྒྱལ་མཚན་མིང་ཅན་གྱིས། ༢༠༢༡་༦་༧་ཉིན་དགེ་བཤེས་མཁན་པོ་བློ་ཕུན་མཆོག་ལ་ཀུ་རེའི་ཚུལ་དུ་བྲིས་ཏེ་ཕུལ། ཨ་ཅེ་རྨ་བྱ་ངང་ལག་མཇུག་སྒྲོ་ཅན། ཟ་ན་མི་འགྲིག་ལྟོས་ན་མཛེས་ཀྱང་བརྫུན། འཁོར་བའི་བདེ་བ་ལྷ་མོ་འཇོ་སྒེག་ཅན། ཡོད་ཡོད་འདྲ་ལ་དོན་དུ་རི་བོང་རྭ། ཚེ་ཡི་ཉི་མ་ཉིན་གུང་རྒྱབ་ལོགས་ཕྱོགས། དོན་གྱི་ཕོ་ཉ་གང་ཡོད་ཆ་མ་འཚལ། མ་ཐོས་མ་གོ་ཟེར་ན་ལས་འབྲས་བསྣོགས། གོ་སོང་ཤེས་ཐལ་ཞུ་བར་ཚོར་སྣང་སྟོང་། རང་མགོ་རང་གིས་བསྐོར་ན་མི་ལེགས་པའི། གནས་ལུགས་དེ་ནི་ཤེས་བཞིན་ལེ་ལོ་ངང་། མི་ཚེ་སྟོང་ཟད་གཏོང་མཁན་སྨྱོན་རྒན་ཁྱེད། ཨ་ཅེ་རྨ་བྱའི་གཟུགས་ཚུལ།ངང་ལག་དེའི། འཁོར་བའི་མངར་ཁུ་དུག་ཅན་དེ་སྤངས་ནས། ངན་སོང་མི་སྐྱེས་གཏན་ཁེལ་ཐུབ་པར་གྱིས། ་ཨ་ཨ་ཕྱི་ནང་བར་གསུམ་འགལ་རྐྱེན་ཁྲོད། ཧེ་ཧེ་གཅིག་པུ་ལུས་པའི་ཉམ་ཐག་ང་། ཝེ་ཝེ་བཤེས་གཉེན་དམ་པ་ཁྱེད་འདྲ་བོས། ཀྱེ་ཀྱེ་མྱུར་དུ་སྐྱོབ་པའི་ཐུགས་རྗེས་གཟིགས།

Comments

Popular posts from this blog

ཁྱོད་ལ་ཉི་མ་དང་ང་ལ་ཟླ་བ་དེ

The Reflection of Tecelction

啊!