ཨ་རི་དང་བོར་འཇོག་དགོས
ཨ་རི་དང་པོར་འཇོག་དགོས། ༼༡༽ ཨ་མེ་རེ་ཀ ཨ་མེ་རེ་ཀ རང་དབང་གི་དར་ལྕོག ཐོབ་ཐང་གི་རླུང་རྟ། འདྲ་མཉམ་གྱི་ཐང་ཆེན། གོ་སྐབས་ཀྱི་རྒྱ་མཚོ། ཁྲིམས་ལུགས་ཀྱི་གར་སྟེགས། ༼༢༽ ཨ་མེ་རེ་ཀ ཨ་མེ་རི་ཀ། ས་སྟེང་མི་རིགས་དྲུག་བརྒྱ་ལྔ་བཅུ་ལྷག་གི་ཁྱིམ་གཞི། འཛམ་གླིང་ཚན་རྩལ་གསར་གཏོད་གྱི་ལྟེ་གནས་དང་མགོ་འདྲེན། སྲིད་གཞུང་ལས་མི་སེར་གཙོ་བོས་སྲོལ་བཟང་གི་སྲུང་མ། འབྱོར་བ་ཡོད་མེད་ཤ་མདོག་འདྲ་མིན་ཀུན་གྱི་དཔུང་གཉེན། རྒྱ་དམར་ཧམ་སེམས་བཙན་དབང་སྡིག་ཏོ་ཅན་གྱི་གཤེད་གཟའ། ༼༣༽ ཨ་མེ་རེ་ཀ། ཨ་མེ་རི་ཀ། སེམས་ངན་ཁ་ཡག་ཅན་གྱི་རྒྱ་དམར་ལ་གཟབ་གཟབ་གྱིས། སེམས་བཟང་མགོ་སྟོང་ཅན་གྱི་སྲིད་དོན་པ་ལ་དོགས་ཟོན་གྱིས། ཨ་རི་དང་བོར་འཇོག་པའི་དཔའ་བོ་དེ་ཚོར་མཐོང་ཆེན་གྱིས། བོད་པ་རང་དོན་རང་གཅེས་བྱེད་མཁན་རྣམས་ལ་རོགས་སྐྱོབ་གྱིས། ཨ་རི་རང་དབང་རང་བཙན་༢༤༥ལོ་འཁོར་དུས་ཆེན་ལ་བསྟན་ཐོས་མིང་ཅན་གྱིས་དབུས་སྐྱེས་གནས་ཡག་གི་རང་་ཤག་དུ་སྦྱར་བའོ།