My mind’s advises on me
ངའི་སེམས་ཀྱིས་ང་ལ་གདམས་པ།
ཨེ་མ་ཧོ།
བསྟན་ཐོས་མིང་ཅན་པས
༢༠༢༠-༦-༢༦ཉིན།
ཝེ་ཅི་ནེ་ཡའི་ཁྱིམ་གཞི་རུ་སྦྱར་བའོ།
༼ཀ༽
སེམས་ངའི་གནས་ལུགས་མ་ཤེས་བླུན་རྒན་ཁྱོད།
ངའི་དབང་ཕྱུག་སྤྲུལ་སྟོབས་ལ་མོས་ངོ་སོ་བསྟོད།
ཐུན་འདི་རུ་ང་དང་གཉེན་སྒྲིག་བགྱིད་ཙ་ན།
ངའི་གཤིས་རྒྱུད་དང་སྦྱོར་བར་དགའ་འདྲིས་གྱིས།
༼ཁ༽
གདོད་མའི་དུས་ནས་རང་མགོ་རང་རྒྱལ་ང།
ཕྱོགས་ལས་རྣམ་རྒྱལ་རང་བཞིན་ལྷུན་གྲུབ་བས།
མ་སྡོམས་མ་འགོག་བཙན་པོར་བཀོལ་མ་སྤྱོད།
གློད་ཅིག་ཐོངས་ཤིག་ལྷོད་པོར་ངའི་ངོར་ལྟོས།
༼ག༽
ང་ནི་ཁྱོད་ཡིན་རྗེ་བཙུན་སྒྲོལ་མ་ཡིན།
ཁྱོད་ནི་ང་ཡིན་རྒྱལ་བའི་ཐུགས་རྗེ་ཡིན།
ང་དང་ཁྱོད་གཉིས་རིག་པས་སྤྲུལ་རྩལ་ཡིན།
ངའི་དོན་ཁྱོད་ཡིན་ཁྱོད་དོན་འགྲོ་ཀུན་ཡིན།
ང་དང་ཁྱོད་ནི་ཐ་སྙད་ཚད་གྲུབ་ཡིན།
ཡོད་མེད་ཡིན་མིན་སྤྲོས་བྲལ་ཡེ་ཤེས་ཉིད།
སྲིད་ཞི་མཐའ་གྲོལ་བླ་མེད་བྱང་ཆུབ་བོ།
༼ང་༽
ང་ཁྱོད་ཁྱོད་ང་གཅིག་དུ་བྲལ།
ཁྱོད་ང་མེད་པའི་སྒོམ་ཅིག་རྒྱོབ།
ང་ཁྱོད་ཡིན་པའི་ལྷ་ཞིག་སྒྲུབས།
ང་གཉིས་འགྲོ་དྲུག་དཔོན་གཡོག་ཡིན།
༼ཅ༽
ང་ནི་རང་བཞིན་མ་གྲུབ་ཁྱོད་ཀྱང་དེ་བཞིན་དེ།
ང་ནི་གནམ་མཁའ་ཁྱོད་ནི་གློག་དང་འཕྱོ་སྤྲིན་ཉིད།
ང་ནི་བྱང་ཆུབ་ཁྱོད་་ནི་རང་བཞིན་མྱང་འདས་མཆོག
ང་ཁྱོད་གཟུང་འཛིན་གཉིས་སྟོང་གདོད་མར་རྫོགས་སངས་རྒྱས།།
ཨོཾ་ལེགས་སུ་གྱུར་ཅིག
Comments
Post a Comment