སེམས་སྟོང་ང་མེད་ཡོད་ཚད་སེམས་ཀྱི་སྣང་ཆ་ཙམ





ཨེ་མ་ཧོ།
སེམས་ཡོད་སེམས་གསལ་སེམས་ལ་ཚང་མ་སྣང་ཡང་སྣང་བ་བཞིན་དུ་གཏན་མ་མཆིས།
སེམས་སྟོང་ང་མེད་ཡོད་ཚད་སེམས་ཀྱི་སྣང་ཆ་ཙམ་ལས་སེམས་དེ་སེམས་ཉིད།
སེམས་ཉིད་སེམས་སེམས་ཉིད།

ཕྱི་དེ་ནང་གི་ཕྱི་ཡིན་ནང་དེ་ནང་ཉིད་ནང་།
ནང་ཡོད་ཕྱི་མེད་མེད་ཉིད་ཕྱི་ནང་ཁྱབ།
ཁྱབ་ཀྱང་ཁྱབ་གཞི་ཁྱབ་པ་ཁྱབ་ཡུལ་ཁྱབ་མཁན་གང་དུ་ཡང་མ་གྲུབ།

ནང་ལ་མ་འཁྲུལ་འཁྲུལ་ཀྱང་ངལ་གསོ་ཕྲན་བུ་ཐོབ།
ཕྱི་ལ་མ་ནོར་ནོར་ན་འདུད་བཞིས་རྣམ་པར་འཚེ་སྟེ།
རང་དབང་ཞི་བདེ་སྙིང་རྗེ་རང་རིག་རྣམས་ཀྱིས་འཕོངས།

ཕྱི་དེ་ནང་གི་ཕྱི་ཡིན་ནང་གི་ཕྱི་དེ་ནང་མིན་མིན་མིན་མིན།

ཕྱི་རུ་ཕྱོགས་ན་སྣང་བ་འཁོར་བ་གྱུར་ཏེ་མྱ་ངན་ཆེ།
ནང་དུ་ལོག་ན་སྣང་བ་རྒྱལ་བ་ཀུན་གྱི་འཕྲིན་ལས་ཡིན་པར་འཇལ་ནས་དགའ་བས་བརྟས།
ཕྱི་མི་བདེན་ལ་ནང་ཡང་རང་བཞིན་མ་གྲུབ་སྟེ།
དགའ་ས་སྐྲག་ས་མེད་པས་སྙིང་རྗེ་བདེ་བའི་རྩ་བ་ཡིན་པར་མོས་པ་ཙམ་སྐྱེས།
སྐྱེས་བ་སྐྱབས་མགོན་རྒྱལ་དབང་དྲིན། 
མོས་བ་འདི་ནི་ལམ་ཡིན་ལམ་འདིས་རང་གཞན་གཉིས་དོན་སྒྲུབས།
དེ་རིང་ཤི་ན་ལམ་ཆེན་འདི་ཐོག་ཤི་བར་ཤོག
འཁོར་བ་མ་སྟོང་བར་དུ་གནས་དགོས་བྱུང་ཡང་ལམ་མཆོག་འདི་ཉིད་སྟེང་དུ་གནས་པར་ཤོག 
ཨེ་མ་ཧོ།
ཨེ་མ་ཧོ།
ཨེ་མ་ཧོ།
རབ་གོང་ཨ་ཁུ་དགེ་འདུན་ཤེས་རབ་ཚང་ལ་༢༠༡༨།༡༠།༠༡།ཉིན་གྱི་ཐོ་རངས་སུ་འཚམས་འདྲི་དང་ཀུ་རེ་ཚུལ་ཏུ་ཨ་མེ་རེ་ཀའི་མངའ་སྡེ་དབུས་སྐྱེ་གནས་ཡག་ཏུ་ཡོད་པའི་་ཁྱིམ་གཞི་ཉམ་ཆུང་ནས་གུས་པས་ཕུལ། 
དེ་ཐེངས་ཨ་མེ་རེ་ཀ་ལ་བྱོན་པ་བཀའ་དྲིན་ཆེ་ཤིན་ཏུ་ཆེ།
ཕྱིས་སུ་ཡང་ཡང་ཕེབས་པའི་སྨོན་འདུན་ཞུ། 

Comments

Popular posts from this blog

ཁྱོད་ལ་ཉི་མ་དང་ང་ལ་ཟླ་བ་དེ

The Reflection of Tecelction

啊!